Onun da saçları sarı idi

Ancaq, ona görə 

sevmirəm payızı!

Payız ilin ahıl çağıdı

Yarpaqlar insan saçı tək rəngini dəyişir bu fəsildə

Bütün fəsillər gözünün qarşısındadı

Bəlkə də, nəticənin rəngidi qızılı – qırmızı...

Bəlkə də buna görə sevirəm payızı

Sanki, bütün insanlar payızda yaşa dolur

Yarpaqlar başını buta kimi aşağı dikir

Yox, yox payızda yarpaq olmur, xəzəl olur.

Duyğuludur, göylər onda göz yaşı tökür

 Özü gəlir, 

lazım olmur qaranquş , baharqızı...

Bəlkə də, buna görə sevirəm payızı.

Hər şeyi yerə yaxın edir

Yarpağı xəzan buludu duman edir

Bir işi də yaman edir

Bağlı olur, bəzi insanlar kimi yalnız uzaqdan vüqarlı görünən dağların üzü.

Həm də buna görə sevirəm payızı.

                                           Sərdar Tağıyev 2011-in payızı